მეცხრე დღის რეფლექსია

დღეს იყო ჩვენი ტრენინგის შემაჯამებელი დღე. ამ დღეს დავასრულეთ ბლოგზე პრეზენტაციების ატვირთვა, ვისწავლეთ ახალი გვერდების დამატება, ასვე ბლოგზე სურათებისა და ჩვენთვის საჭირო ლინკების ატვირთვა, ტექნიკურად გაფორმება. მოვისმინეთ ტრენინგის მსმენელთა პრეზენტაციები. ამ ტრენინგის განმავლობაში შევიძინე ცოდნა პროექტის დაგეგმისა და შემდგომი დამუშავების, მხატვრული გაფორმების  მიზნით, გავიხსენე ბლოგზე მუშაობის პრინციპები. ვიმედობნებ, რომ შეძენილი  უნარ-ჩვევები გამომადგება პროფესიული წინსვლისთვის. მადლობა ტრენინგის ორგანიზატორებს და პირადად ტრენერს გაწეული საქმიანობისთვის.

მოსწავლის პრეზენტაცია

სასწავლო პროექტის პრეზენტაცია

მერვე დღის რეფლექსია

ტრენინგის მსვლელობის დროს შევისწავლე ბლოგზე მუშაობის ელემენტები, კერძოდ ბლოგის დიზაინი, ფორმატი, საქაღალდის ატვირთვა, გაჯეტების დამატება და კითხვარის შედგენა და ატვირთვა, პორტფოლიოს შექმნა.  მივიღე ჩემთვის ძალიან საჭირო ინფორმაცია. ვეცდები განვაგრძო ბლოგზე მუშაობა. ელ.კითხვარის შედგენა გამოვიყენო ტესტების შედგენის დროს. ძალიან კმაყოფილი ვარ. დიდი მადლობა.

მეშვიდე დღის რეფლექსია

ტრენინგის პირველ ნახევარში განვიხილეთ შესრულებული დავალება, კერძოდ სასწავლო პროექტის პრეზენტაცია, განვიხილეთ დიფერენცირებული სწავლების გეგმის ნიმუში, ვისწავლეთ ჩვენი დოკუმენტაციის draiv-ში ატვირთვა და განვიხილეთ შეფასების რუბრიკები. ტრენინგმა ჩაიარა სამუშაო გარემოში, მივიღეთ  შესასრულებელ დავალებებზე ინსტრუქცია. დიდი მადლობა, შევიძინე ჩემთვის მეტად მნიშვნელოვანი უნარ-ჩვევები.

მეექვსე დღის რეფლექსია

ტრენინგის დასაწყისში ტრენერმა გაგვამეორებინა PowerPoint-ში "სლაიდ შოუს" აწყობის ხერხები. დავიწყეთ მუშაობა მოსწავლის ნიმუშზე. მოვიძიეთ შესაბამისი ინფორმაცია და ავაწყეთ სლაიდები. ვისწავლეთ პროექტის პრეზენტაციის აწყობის დიზაინი. საავტორო უფლების დაცვის მიზნით ვისწავლეთ მოძიებული ინფორმაციის წყაროს მითითების აღნიშვნა. განვიხილეთ შეფასების მეთოდები და ინსტრუმენტები. ჩავინიშნეთ ახალი დავალება. ტრენინგმა  ჩაიარა აქტიურ, სამუშაო გარემოში. დიდი მადლობა.

მეხუთე დღის რეფლექსია

ტრენინგის დროს დეტალურად განვიხილეთ ბუკლეტის როგორც შინაარსობრივი მხარე, ასევე ვიზუალური, გავითვალისწინეთ ტრენერის შენიშვნები. განვიხილეთ შეფასების დროის ჩარჩოს სტრატეგიები და შეფასების ინსტრუმენტები პროექტის დასაწყისში, პროექტის მსვლელობის დროს და დასასრულს. ასევე გავიხსენეთ პროგრამა  PowerPoint-ში სლაიდების აწყობისა და გაფორმების  ხერხები.ჩავინიშნეთ დავალება.
ტრენინგმა ძალიან ნაყოფიერად ჩაიარა, ბევრ ჩემთვის საჭირო დეტალს მივაქციე ყურადღება. დიდი მადლობა.

მეოთხე დღის რეფლექსია

ტრენინგი დაიწყო დავალების განხილვით. საკუთარ ბლოგზე ვისწავლეთ მიმართულების მიმცემი საკვანძო კითხვების ატვირთვა. ტრენერმა აგვიხსნა ბლოგში როგორ შევძლოთ მიმოწერა და ჩვენი აზრის დაფიქსირება. შემდეგ დავხვეწე ბუკლეტის აწყობა და საჭირო სურათების ჩასმა, ვისწავლე ბუკლეტის დიზაინი. ჩავინიშნე დავალება. ტრენინგმა  მშვიდ და სამუშაო გარემოში ჩაიარა.

"სად მივყავართ დროის მანქანას, ანუ მოგზაურობა წარსულში (ძვ.ეგვიპტე, ძვ.საბერძნეთი, ძვ. რომი)"

მიმართულების მიმცემი საკვანძო კითხვები : 

ზოგადი კითხვა - 1. „დროის მანქანა“ რომ გქონდეთ, რომელ ეპოქაში ისურვებდით

 მოგზაურობას?

თემატური კითხვა - 1. გსმენიათ ძველი ეგვიპტის, ძველი საბერძნეთისა და ძველი რომის  იმპერიის შესახებ?

 2. თქვენი აზრით, რატომ შევისწავლით ამ ქვეყნების კულტურულ  მემკვიდრეობას?

შინაარსობრივი კითხვა - 1. დამისახელეთ ამ ქვეყნებში მდებარე ღირსშესანიშნაობები:

 ა)  ძველი ეგვიპტე;

 ბ) ძველი საბერძნეთი;

 გ) ძველი რომი:

 2. რატომ აგებდნენ  ეგვიპტეში პირამიდებს?

 3. რა მიზნით იგებოდა საბერძნეთის ტაძრები?

 4. ძველ რომში რა დანიშნულება ჰქონდა კოლიზეუმს?

 5. ძველი ეგვიპტის მასტაბების მოხატულობისთვის რა იყო დამახასიათებელი, როგორია ამ  

 ფრესკების კომპოზიციური  და შინაარსობრივი აგების პრინციპი, ადამიანთა გამოსახვის

 კანონები.

 6. რომელი ორდერის სვეტები ამშვენებდა პართენონის ტაძარს და რა იყო ამ ორდერთა       

 განმასხვავებელი ნიშნები და ა.შ.

მესამე დღის რეფლექსია

განვიხილეთ ტრენინგის მსმენელთა მიერ პროექტისთვის მომზადებული ზოგადი, თემატური და შინაარსობრივი კითხვები. სხვადსხვა საკითხებთან დაკავშირებით გამოითქვა განსხვავებული აზრი. განვიხილეთ ბუკლეტებთან დაკავშირებული მოსაზრებები, დავხვეწავთ და ავტვირთავთ ხვალინდელი ტრენინგის დროს.
ტრენინგმა ჩაიარა საქმიან გარემოში, გავეცანით ჩვენთვის საინტერესო და გასათვალისწინებელ მოსაზრებებს კითხვებთან დაკავშირებით.

მეორე დღის რეფლექსია:

ტრენინგის მეორე დღე დაიწყო  წინა ტრენინგის რეფლექსიით. 

მოვისმინეთ მსმენელთა მიერ წინასწარ მოფიქრებული პროექტების სათაურები და მოკლე შინაარსი, განვიხილეთ პროექტების შექმნის სავარაუდო გზები და მიმართულებები. გავიხსენეთ  ახალი საქაღალდის შექმნის ხერხი  და მოვამზადეთ პროექტის ნიმუში შემდგომი მუშაობისთვის.  ასევე ვისაუბრეთ პროექტთან დაკავშირებით ზოგად, თემატურ და შინაარსობრივ კითხვებზე. ტრენინგი ჩატარდა მშვიდ-საქმიან გარემოში.

პირველი დღის რეფლექსია

  ინტელის მესამე დონის ტრენინგზე გადავწყვიტე მოსვლა, რადგან კომპიუტერის ზოგ პროგრამასთან მუშაობის რაღაც ნიუანსები მქონდა დავიწყებული, გარდა ამისა ვიცოდი, რომ უნდა შემესწავლა პროექტების დაგეგმა კომპიუტერული ტექნოლოგიების გამოყენებით.
  ტრენინგის დაწყებამდე სამუშაო ოთახში დამხვდა სასწავლო გარემო და შემდგომი პერიოდი წარიმართა სამუშაო გარემოში.
  ტრენერმა გაგვაცნო ორგანიზაციული საკითხები: რომელ დღეებში, რა ხანგრძლიობით ჩატარდებოდა ტრენინგი. გაგვაცნო აგრეთვე ტრენინგის მიზანი და მოსალოდნელი შედეგი, მოდულის საკვანძო საკითხები და გვაჩვენა ვიდეო-კლიპი კომპიუტერული ტექნოლოგიების გამოყენების შესახებ სასწავლო პროცესში. ვისაუბრეთ დამატებითი რესუსების შესახებ: კერძოდ, რაში მდგომარეობს 21-ე საუკუნის უნარ-ჩვევები და როგორ შეიძლება მათი გამოყენება. აგრეთვე ვიზუალურად გვაჩვენა პროექტის შესავსები ნიმუში და ანალოგიური გზით შექმნილი უკვე არსებული პროექტი.
 მსმენელებს შეგვახსენა ელფოსტის შექმნის ხერხი, წერილის შექმნა და გადამისამართება. შევქმენით ბლოგი. ვისწავლეთ ბლოგზე წერილის განთავსება და გამოქვეყნება.
 ტრენერმა გაგვაცნო შესასრულებელი სამუშაო შემდგომი მეცადინეობისათვის.